Чамдаа яарна

Нүдийг чинь зөөлхөн үнсэхсэн, чив чимээгүйхнээр, час халуун амьсгалаар төөнөн
Нүүрэнд чинь мишээл тодруулахсан, увь урьханаар, урдаас чинь инээвхийлэн
Торомгор нүдэнд чинь баярын оч гийгүүлэхсэн, хурдхан очиж, хайрын харцаар ширтэн
Булбарай уруулыг чинь янаглан озохсон, шүргэн алдан, балыг чинь амтлан
Гарыг чинь энхрийлэн илбэхсэн, зөв зөөлхөнөөр, гал халуун илчээр гижигдэн
Үсийг чинь илбэн таалахсан, үгээр хэлшгүй, үнэрийг чинь шингээн
Торгомсог арьсанд чинь зориглон хүрэхсэн, торгоноос ч зөөлөн, тог цахилгаан гүйх мэт
Тоотойхон наслах хүний энэхэн орчлонд, томоогүйхэн чамтайгаа хорвоог туулахсан
Зүгээр л хайртай гэж хэлэлгүй, зүрх сэтгэлийг чинь эзэмдэхсэн
Зуурдын биш үүрдийнх минь байж, Зуун зуунд эрхлэлдэн хамтдаа жаргахсан...