"Тоглоом"-ын дүрэм

...Цаг хугацаа урсан өнгөрсөөр, амьдрал үргэлжилсээр...

Хүний амьдралаа гэж нэгэн бодлын ахархан ч юм шиг. Саяхан дүүтэйгээ чихэр, тоглоомоо булаацалдаад аав ээждээ загнуулж байсан хүн, ингээд алсын алсад, эрдэм сурахаар хүрээд ирсэн сууж байдаг. Бас тэгээд амьдрал гээч учрыг нь үл олох "тоглоомын" дүрмийг тогтоочих санаатай гэж байгаа...

Ай хөөрхий гэж... арван жил, оюутан цаг, зуны дадлага, хонхны баяр, төгсөлтийн шалгалт... Анхны ажил, анхны цалин... Үерхэл, Үнсэлт, Урвалт, Нөхөрлөл... Ингээд бодохоор бас ч гэж дурсах, санах, зүйл арвинтай байжээ... Энэ хугацаанд баярласан, хөөрсөн, гунисан, шаналсан мөчүүд олон л байж таараа...

Гэвч... Гэвч, цаг хугацаа өнгөрөх тоолонд миний оюун бодол, санах ойд маань гагцхүү АЗ ЖАРГАЛТАй байсан тэр өдөр, хоног, цаг, мөчүүд үлдсэн байх юм.

Өнөөдрийн "шаналал, зовлон" маргааш энгийн нэгэн, эсвэл энгүй сайхан ДУРСАМЖ болон хадгалагдахыг би мэддэг болжээ... Амьдрал гэдэг энэ ГАйХАМШИГТАй ТОГЛООМЫН бас нэгэн дүрмийг, ойлгож авлаа даа гэж...

...Цаг хугацаа урсан өнгөрсөөр, Тоглоом үргэлжилсээр...