Чамгүйгээр...

Санаад байна амраг чамайгаа
Санахын эрхэнд цаас эрээчилж сууна
Уйтгарлаад байна сэтгэл минь чамгүйгээр
Уйдахын эрхэнд мөр холбож сууна

Хөлөөр хөглөрөх навчис гуниг шивнэх юм надад
Хөөрөн нисэх шувууд хүртэл гунигтайхан жиргэх шиг
Хөхрөх тэнгэр бороогоор уйлах нь намайг дагах шиг
Хөрст дэлхий надаас чамайг нэхээд байх шиг

Чамгүйгээр алхахад минь

Өвлийн салхи жихүүн, дааруулах юм
Өнчин сэтгэлд жавар хургах юм
Өглөөний наран илчгүй санагдах юм
Өр зүрх минь чамайг надаас нэхэх юм

Ганцаараа байхад минь