...Арлын энэ оронд ирээд бараг 5 сар болох гэж байна. Энэ хугацаанд сурсан, мэдсэн, үзсэн зүйл чамлахааргүй олон байгаа боловч ямар нэгэн юм үгүйлэгдээд, дутагдаад байгааг улам бүр мэдрэх боллоо. Net-ээр харилцаж байгаа найзуудын ихэнх нь нутгаа санаж байна уу? гэж асуух юм. Тэгээд бодлоо л доо БИ НУТГАА САНААД БАйГАА ЮМ БОЛОВ УУ гэж... Аа тэгтэл бас биш юмаа....
...Энэ хэдэн сар, энэ хэдэн өдөр, ялангуяа сүүлийн хэдэн хоног түмэн бодол, мянган эргэлзээ дунд будилж гүйцлээ. Өмнөө тавьсан зорилгодоо хүрэхийн тулд ямар ч бэрхшээлийг даван туулах хэрэгтэй гэж хэн нэг нь хэлж байсан санагдана. Гэтэл миний одоогийн нөхцөл байдал үүнтэй ер авцалдахгүй юм.
"Сайхан хайр гэж байдаг юм шүү, олдвол алдаж болохгүй". Гэнэт энэ үг санаанд орох чинь юу вэ? Сайхан бас салмааргүй тэр л хайр нь бусдын сэтгэлд, амьдралд хэзээ ч арилхааргүй хар толбо үлдээхээр байвал яах вэ?...
...Заа хө, энэ хүртлэх хугацаанд юуг хийж, юуг амжуулсан хүн бэ?
Мэдээж хэрэг аав, ээжийнхээ ачийг нь хариулж чадахгүй ч гэлээ нэгээхэн хүслийг нь гүйцэлдүүлж баярлуулсан юм байна. ХҮН байхын ухааныг ааваасаа жаахан ч гэсэн авсан юм шиг...
...Ер нь тэгээд бодоод байсан чинь надад ХҮН хэрэгтэй юм байна. Тийм байна, өдийг хүртэл энэ л хүсэлдээ автагдаад сэтгэл хоосроод байсан юм байна... Урьд би найзуудтайгаа, гэр бүлийхэнтэйгээ байж, сайхан хамт олныхоо дунд ажиллаж байхдаа үүнийг мэдэрдэггүй байж, мэдрэх боломж ч ховор байж. Хааяа дотно андуудтайгаа биллиард цохингоо шар айраг шимэн суухдаа мэдэрдэг байсан байх. Бүгд л эхнэр, хүүхэддээ яаран тарах тэр мөчид би ажил руугаа явдаг байсан юм байна шүү дээ...
...Би Өөрийн ГЭР БҮЛ - ӨРХ ГЭРЭЭ үүсгэх цаг нь болжээ. Энэ л миний сэтгэлийн тэр нэгэн хоосрол, үгүйлэл байж...
...Байз хүлээ, жаахан хүлээ... гэр бүл үүсгэх, яах вэ болно. Гэвч Хэнтэй...???
Чи түүнд саналаа хэлсэн, одоо түүний юу гэхийг нь сонсоё, тэр болтол жаахан хүлээ...
Түүнийг битгий хүчил, бодох хугацаа өг... тэр болтол ажилаа хий, амьдрал үргэлжилсээр л байх болно...
...Хн, яачихсан нойр вэ? босч жаал net-ээр хэсэе дээ...
Subscribe to:
Post Comments (Atom)
No comments:
Post a Comment