Өчигдөр буюу 10 сарын 22нд тэнхмийн уулзалт дээр хийсэн ажилаа танилцууллаа. Боломжийн санагдав, сэтгэлд нийцэж байна. Өдрийн хоолоо тэнхмийхэнтэй хамт сургуулийн хоолны газарт идэхээр шийдсэн юм. Тэнд ажигласан нэгэн сонирхолтой зүйл гэвэл...
...Хоолны газар үйлчилж байгаа хүмүүс нь дандаа настай, ахмад хүмүүс байх юм. Үс нь бууралтаж, арьс нь насыг нь илтгэн үрчлээтсэн тэдгээр үйлчилэгч нарыг хараад бахархах сэтгэл төрөв. Хийж байгаа ажилдаа үнэн сэтгэлээсээ, энд ч нэг ширээ арчаад, гүйж очоод тэнд ч нэг аяга, таваг хураагаад, эргэж ирээд эндээс захиалга аваад, тэнд хоолыг нь зөөж өгөөд. Биднийг тэнд сууж хооллох 30 минутын хугацаанд, зүгээр л алхаж байгаа, эсвэл "амраад" сууж байгаа үйлчилэгчийг олж харсангүй. Гүйгээд л байх нь тэр...
Гайхамшигтай. Миний багцаалсанаар 55-65 насны буурлууд байх юм. Би эдний насан дээр очоод ингэж ажиллаx битгий хэл, гүйж, зогсоо зайгүй алхаж чадах болов уу гэж өөрөөсөө эрхгүй асууж үзлээ. Хариу нь маш эргэлзээтэй...?!?!
Ээ дээ, өтлөхийн цагт бусдын гарт орчихгүй TAC гэж амьдраад, TYC гээд л дуусах юмсан...
Subscribe to:
Post Comments (Atom)
No comments:
Post a Comment